الزرافة الحسودة

أنا أحسد , اذا أنا موجود

الزرافة الحسودة تنظر الى الأغنياء و الفقراء

نظرة للأغنياء

أما الأغنياء لا أعزهم الله ولا  أعزهم أحد , يمشون على ارض مصر دون أن يحسوا بأحد , حتى المتبرعين منهم بفتات او حتى بالكثير , فيشعرون ” لا أعزهم الله ”  بالتفوق المعنوى لمجرد أنهم يملكون أوراقا ملونة تسمى نقودا , و لأنهم يملكونها فهم يملكون من يدفعون له تلك الأوراق الملونة و التى تدعى نقودا , و هى بالنسبة لى كزرافة حسودة من الطراز الأوحد , ما هى الا أوراقا تأكل و ليس لها طعم مستساغ ولا رائحة محببة كأوراق شجر الجزورين مثلا , أو كالكافور اللذيذ , 

تلك الأوراق السخيفة تعنى للأغنياء الكثير , لأنها هى التى تعطيهم مكانتهم الأجتماعية , و كل التسهيلات المتاحة فى تحركاتهم الملعونة أجمالا , رغم انها ” تلك الأوراق ” اذا نظرنا لها نظرة موضوعية سافلة دون انبهار مخلوط بالبله , فسوف نرى جيدا انها لا تحمل اى قيمة فى ذاتها , ولا خارج ذاتها ايضا , اذا كان لها أى ذات بالأساس

الأغنياء حاملوا الأوراق الملونة اللذين يأسفون على حال غيرهم و يحمدون ربهم على أنهم  مورقين , أى من حملة الأوراق و من مالكيها , الأغنياء المشغولون بانفسهم التى لا قيمة لها دون اوراق ملونة لا قيمة لها أيضا لأنها فى النهاية مجرد أوراق

الأغنياء المختصرون فى أوراق , الأغنياء الأوراق الذين يدعون آدمية لا يستحقونها لأنهم يظنون قيمتهم فى أوراق

الأغنياء ….. أحسدهم بامتياز و بنظرة حمراء من عينى …….. و أراهم مجرد أوراق  

 

نظرة للفقراء

أما الفقراء أدام الله عليهم عز السكون , و فضل الخنوع , و لوعة الملدوع , فلهم جنتان , واحدة فى وزارة الشئون الأجتماعية , و الأخرى فى الطوابير الطويلة التى يتعفنون فيها انتظارا للعدم

أما عن جنة الشئون الأجتماعية فهى جنة الخلد , و ملاذ المشتاقين , و قبلة العارفين , الصاغرين , الصارفين , الراضين بستين جنيها حسنة أن وجدت , بعد حمد الله الكريم جدا , و الشكر و الثناء على رضائه , و هى ياقوتة الجنان ” جمع جنة ” و فيروزة النعيم , و مرموقة الركن , و سافرة الوجه , و عاهرة اليد , و خارقة للطبيعة أن كان هناك أصلا طبيعة

أما جنة الطوابير فهى متعددة الروافد و الأقسام , من اول طابور العيش الأسطورى  ذو السطوة على الضعفاء و صاحب البطش على الجوعانين , منجد الأطفال فى أفطارهم قبل علقة المدرسة , ومنقذ الآباء من لسان الأمهات , الى طابور المعاشات النجس و الذى تفوح منه رائحة العجائز المساكين بدموعهم المتحجرة على مآقيهم , و ملابسهم المتقيحة بآلامهم , و جباههم المزينة بالذل المطرز بالضياع

الفقراء …… أدام الله عليهم جنتيهم , و زادهم اصفرارا فى الوجوه , و ملأ أكبادهم بفيروس سى ,و دمائهم بتبرعات الملوثين , و عيونهم بالرمد الملتهب , و أعطاهم أملا كاذبا و حقيرا باسمه ….. آمين

 

أيها الأغنياء , أنا الزرافة الحسودة أحسدكم بمتعة و شوق للعق وجوهكم الطرية

أيها الفقراء , أنا الزرافة الحسودة أحسدكم برغبة صادقة , و نظرة غائمة فى أعينكم الغائبة

Advertisements

فبراير 3, 2007 - Posted by | Uncategorized

74 تعليق »

  1. لا حول ولا قوة الا بالله
    بتفكريني بروبن هود

    تعليق بواسطة علي | فبراير 5, 2007 | رد

  2. مبروك أيتها الزرافة الحسودة على هذه المدونة
    ياه مدون حلوة بجد
    باقولها بغل على فكرة
    يا جمالها المدونة
    شكلها حلو وأفكارك جميلة
    لونها
    واسمك
    الزرافة الحسودة
    با حسدك
    بحقد
    تحياتى
    ابقى تعالى
    ادينى نظرة حسد

    تعليق بواسطة فتحى حمدالله | فبراير 5, 2007 | رد

  3. مبروك على مدونتك الجميلة
    باحسدك على طولك
    شكلى ها جى هنا كتير
    عشان احسد فيكى
    هاي

    تعليق بواسطة جمال الدولى | فبراير 5, 2007 | رد

  4. مبروك المدونة
    شكلها جميل
    باحسد
    بغل
    وأفكارها احلى
    باحسد بحقد

    وشكل صاحبتها الذ واحدة
    وطبعاً طويلة بتقدر تشوف أكتر

    وتطل براسها فى قلب أيى بيت
    جتنا نيلة ف حظنا الهباب
    شرفينى
    وألقى نظرة من عنيك على مدونتى
    تحياتى

    تعليق بواسطة فتحى حمدالله | فبراير 5, 2007 | رد

  5. مبروك المدونة
    شكلها جميل
    باحسد
    بغل
    وأفكارها احلى
    باحسد بحقد

    وشكل صاحبتها الذ واحدة
    وطبعاً طويلة بتقدر تشوف أكتر

    وتطل براسها فى قلب أيى بيت
    جتنا نيلة ف حظنا الهباب
    شرفينى
    وألقى نظرة من عنيك على مدونتى
    تحياتى

    تعليق بواسطة aboaml | فبراير 5, 2007 | رد

  6. احيه
    طريقتك فى التعبيرقويه
    جدا
    مكنش لازم اعلق
    كفايه ابص

    تعليق بواسطة bebo | فبراير 5, 2007 | رد

  7. مبروك على المدونه الجميله

    تعليق بواسطة sara | فبراير 5, 2007 | رد

  8. مدونة ظريفة يا زرافة و دم خفيف يا حسودةأدام الله عليك نعمة الحسد

    تعليق بواسطة كائن العزلة الكئيب | فبراير 5, 2007 | رد

  9. ايه ده, حد يعمل كده, حد يحسد الناس كده, ده حتي الحسد بيضر اللي بيحسد, حبي الناس وخليكي حلوه.
    وعيب عليكي جدا انك تحسدي الفقرا كمان

    تعليق بواسطة esraa | فبراير 6, 2007 | رد

  10. انا بحسدك
    ب
    ح
    س
    د
    ك
    🙂
    مبروك علي البلوج وربنا يوفقك ولو احتاجتي اي مساعدات ايميلي علي البلوج عندي وده لينك بتاع الجروب الجديد الي بنحاول نتلم عليه
    http://groups.yahoo.com/group/arabblogger/
    وهجيبلك لينك المنتدي لما اروح البيت مبروك مرة تانية يا حسودة يا حقودة

    تعليق بواسطة كبير المتشردين | فبراير 6, 2007 | رد

  11. على فكره انا بقي بحسدك انتي شخصيا
    ايه يابنتي ده
    ايه الغل والحقد ده كله
    دا انتي ما خليتيش فيهم صفه واحده ما يتحسدوش عليها

    تعليق بواسطة darsh | فبراير 6, 2007 | رد

  12. rabena yekfeena sharek
    🙂

    تعليق بواسطة yara | فبراير 6, 2007 | رد

  13. تخيلى كنت بسمع معلومات مش أكيده للطيفه و زياد
    قفلت الأغنيه علشان أركز ف كلامك
    دى عمرها ما حصلت
    ازاى عملتى كده !!! !!! !!!
    انتى تـجـنـنـى

    تعليق بواسطة عسل مرمر | فبراير 6, 2007 | رد

  14. يا لعبك يا زراافة
    اية الكلام اللى يوقع البلح من عالشجر دة؟؟
    اية المفرداات دى
    اية الأفيهات دى
    اية الزحمة اللى هنا دى
    اية الشكل الحلو دة
    اية واية واية
    اللهم انى بأحسد
    اللهم حسد

    حأنق عليكى من هنا لحد أسكندرية لأسوان سيرا عالأقدام

    مبروك المدونة
    بجد مبروك
    حلوة ولذيذة
    جميلة الكوميديا السودا اللى فيها
    قطعتى قلبى اللهى…ولا بلاش احسن يجرى لك حاجة

    يناااهااااهااااااا

    تعليق بواسطة شهروزة | فبراير 6, 2007 | رد

  15. كل دول زوار فى مدونة لسة جديدة؟؟
    لألألأ
    بجد إحنا لازم نعمل حملة حاسدة قومية ضد مدونتك
    ده المفاعل الذرى إلى فى الأرجنتين الأروبية أعلن إغلاقه بعد ما فشل فى التصدى لأشعتك الحاسدة اللى تحت البنية
    !!
    الله يكون فى عون العالم
    !!

    تعليق بواسطة programer | فبراير 6, 2007 | رد

  16. بطلي حسد، وإلا ياويلك من عيني
    !!!

    تعليق بواسطة ياسمين حميد | فبراير 6, 2007 | رد

  17. فكرتينى بـ ” طه حسين ” فى روايات المُعذبون فـ الأرض

    مع إختلاف إن هو مكانش بيحسد حد خالص بصراحه

    بس كان بيتطرق للفقراء والأغنياء على حد سواء

    تحياتى للمُدونه الجميله 🙂

    تعليق بواسطة aMiR | فبراير 6, 2007 | رد

  18. انا كنت خايفه ادخل خايفه من عنيكى بس حسدك فى محله انا مشتركه معك فى حملتك للحسد ادى الحسد ولا بلاش مبروك المدونه الجديدة

    تعليق بواسطة رفقه عمر | فبراير 6, 2007 | رد

  19. ياااااااااااااااااااااااااااااااااااااا

    ده انت بتكتبي حلو قوي

    ما شاء الله يعني

    اللهم لاحسد

    هههههههههههههههههه

    تعليق بواسطة نوارة نجم | فبراير 6, 2007 | رد

  20. لقد تعطف الله اخيرا , بعد مداولات عديدة , و بعد دراسة متطلبات السوق , و على أحدث طراز , و خلق لكم تلك الزرافة الحسودة التى هى أنا

    لكي يخلق الله يقوم بمداولات عديدة, و دراسة لمتطلبات السوق؟؟؟
    و الله لو انك فاهمة اللي بتقوليه ما كنتي قلتيه .. بس هقدم فيكي الظن الحسن و اقول انك جاهلة بمعنى كلامك .. عشان لو فاهمة و برده بتقوليه تبقى مصيبة سودا .. و في كل الاحوال, حسبي الله و نعم الوكيل

    تعليق بواسطة Ferekico | فبراير 6, 2007 | رد

  21. اول شي مبروك عليك المدونة والله اكبر عليك من عيونك

    الحارة..بس تكفين اذا جيتي تزوريني في المدونة الرجاء

    ان تذكري الله و تسمي بالله..و بصراحه كنت اتمنى انك

    تختاري اسم افضل من كدا لمدونتك..

    تعليق بواسطة محمد بن سالم | فبراير 6, 2007 | رد

  22. كلامك بجد جامد جدا بس بصراحه ازعجني .. واقلقني .. وبث في نفسي الرعب من تلك اوضاع .. ولا اعتقد وان كانت تلك ستكون فكرتك الرئيسية بالمدونه انه من اللائق ان نحسد الناس علي ما اثرهم الله به ومن الجيد ان يرضي كل بما رزقه الله
    لتاني مرة بهنيكي بالمدونه وبقولك ان شكلها جميل ومختلف وجديد
    تمنياتي بالتوفيق ان شاء الله

    تعليق بواسطة كوكو الضعيف | فبراير 6, 2007 | رد

  23. اختي الزرافة هذه الجملة فى اعلى مدونتك لا تجوز باي حال ان تطلق على رب العالمين

    لقد تعطف الله اخيرا , بعد مداولات عديدة , و بعد دراسة متطلبات السوق , و على أحدث طراز , و خلق لكم تلك الزرافة الحسودة التى هى أنا حتى أكتب لكم من عليائى عن أشياء ان تبد لكم

    فارجو منك تبديلها وشكرا جزيلا

    تعليق بواسطة كريم يوسف | فبراير 7, 2007 | رد

  24. بصراحة انا مش فاهماكى
    انتى بتهراااى ولا بتتكلمى جد
    ما افتكرش بتتكلمى جد
    بس وحياتك الدنيا مش ناقصة سواد وحياة ابوووكى
    فكرتينى بفيلم عمارة يعقوبيان ما انى ما شفتوش ولا هشوفه ..
    وافتكرى اذا سمحتى :
    وقال سبحانه: »وهو الذي جعلكم خلائف الارض ورفع بعضكم فوق بعضدرجات ليبلوكم في ما آتاكم ان ربك سريع العقاب وانه لغفور رحيم« الانعام
    صجق الله العظيم

    تعليق بواسطة بنوتة من وسط البلد | فبراير 7, 2007 | رد

  25. على فكرة انا مكنتش قرات كلامك لقد تعطف الله والكلام دة ياريت تمسحيه بجد لو انت مؤمنه بالله ورسوله فعلا واعتذرى عن هذا الكلام الذى لا يليق بجلال الله يبحانه وتعالى انا لو كنت قرأته واخدت بالى منه مكنتشى علقت عندك ولا اهتميت بمدونتك اصلا

    تعليق بواسطة رفقه عمر | فبراير 7, 2007 | رد

  26. بالتأكيد أحسدكم جميعا

    1-على :

    روبن هود كان حسودا بامتياز يليق بفقير , و سرق الخبز من فم الغنى العفن ليعطيها لمحتاج ليس بوسعه شئ , لكن عندى سؤال , بما تذكر أنت نفسك , سلبى بشكل يكفى قبيلة , و ساكت على ظلم بلغ السماء , و أصبح سدا منيعا أمام كل ضعيف مثلك
    هه؟ قل لى : بم تذكر نفسك , يا عم ؟

    تعليق بواسطة zarafahasooda | فبراير 7, 2007 | رد

  27. بالتأكيد أحسدكم جميعا

    فتحى حمد الله

    الحسد موهبة , لا يملكها الا من عانى من العوز و الاحتياج
    تبدو متزوجا , هاه ! و حظك الهباب قد تجلى فى تلك الزيجه , ماشى أنا لا أشعر بالشفقة ناحيتك اطلاقا , و لكن حسنا , سألقى نظرة من عينى على مدونتك , و ربما تنهار قريبا لتتحول الى عربية كبدة

    تعليق بواسطة zarafahasooda | فبراير 7, 2007 | رد

  28. بالتأكيد أحسدكم جميعا

    جمال الدولى :

    تحسدنى على طولى , شكرا , أنا أحسدك على اسمك و شكلك و قصر طولك و كبدك و قلبك و عينك و ظهرك و اهلك و أخوتك و صحتك و شرفك و بيتك و جيرانك و النادى الذى تشجعه و حياتك و روحك و اتزانك و مدينتك وبشرتك و ملابسك و يديك و قدميك و ……………….. جمال ………جمالا………… أما زلت حيا ؟! يااااااه ! تتحمل الحسد بالفعل ! أحسدك

    تعليق بواسطة zarafahasooda | فبراير 7, 2007 | رد

  29. بالتأكيد أحسدكم جميعا

    جمال الدولى :

    تحسدنى على طولى , شكرا , أنا أحسدك على اسمك و شكلك و قصر طولك و كبدك و قلبك و عينك و ظهرك و اهلك و أخوتك و صحتك و شرفك و بيتك و جيرانك و النادى الذى تشجعه و حياتك و روحك و اتزانك و مدينتك وبشرتك و ملابسك و يديك و قدميك و ……………….. جمال ………جمال……….. أما زلت حيا ؟! يااااااه ! تتحمل الحسد بالفعل ! أحسدك

    تعليق بواسطة zarafahasooda | فبراير 7, 2007 | رد

  30. بالتأكيد أحسدكم جميعا

    بيبو :

    طريقتى فى التعبير تعجبك ! ممممم , شكرا , و لكن لم لا أشعر بأى سعادة لمجاملتك , رغم أننى أعلم أن كتابتى معقولة , ربما لأن الهم الذى فى قلبى أكبر من رفاهية الأحساس بجاملة , نحن فى وطن يموت بسرطان العسكر يا عم , و انت تعطينى مجاملة , أفففففففففف

    الله يخرب بيوتكوا مليتوا البلد

    تعليق بواسطة zarafahasooda | فبراير 7, 2007 | رد

  31. بالتأكيد أحسدكم جميعا

    بيبو :

    طريقتى فى التعبير تعجبك ! ممممم , شكرا , و لكن لم لا أشعر بأى سعادة لمجاملتك , رغم أننى أعلم أن كتابتى معقولة , ربما لأن الهم الذى فى قلبى أكبر من رفاهية الأحساس بمجاملة , نحن فى وطن يموت بسرطان العسكر يا عم , و انت تعطينى مجاملة , أفففففففففف

    الله يخرب بيوتكوا مليتوا البلد

    تعليق بواسطة zarafahasooda | فبراير 7, 2007 | رد

  32. بالتأكيد أحسدكم جميعا

    سارة :

    الله يبارك فيكى و فى عمرك الطويل ياختى

    مبروك على ايه بس يا بنتى : فتاة طويلة و حسودة تدعى الزرافة و تعانى من القهر قامت بعمل مدونة لتكون زاوية تبث فيها حقدا مقدسا و واعيا , يبقى مبروك على ايه يا فالحه ؟! عموما شكرا

    تعليق بواسطة zarafahasooda | فبراير 7, 2007 | رد

  33. بالتأكيد أحسدكم جميعا

    كائن العزلة الكئيب :

    و أدام عليك نعمة الكآبة , و أبقاك فى العريش بلا خروج أو أمل ,

    يا الله , كم أكره ابناء المدن البعيدة
    يعيشون فى عزلتهم ظنا منهم أنهم متميزون , أففففففففففف

    تعبت بقى

    تعليق بواسطة zarafahasooda | فبراير 7, 2007 | رد

  34. بالتأكيد أحسدكم جميعا

    اسراء :

    أنا أبصق على من يعطى النصائح , مثل : حبى الناس و خليكى حلوه , و عيب جدا تعملى كذا و كذا
    والنبى تتوكسى على خيبتك التقيلة
    مش لما تحبى روحك انتى الأول ,
    طيب بلاش , حاسألك سؤال : النسبة اللى انتى متخيلاها لتحقيق أحلامك , تعمل لها كام فى المية ؟

    لما تعرفى الأجابة يا شطوره يامو روح حلوة ابقى تعالى بصى على مدونتى

    جتكو خيبة و انتوا مسالمين و سلبيين و حاجه تقرف

    أأفففففففففففففففففففف بقى

    تعليق بواسطة zarafahasooda | فبراير 7, 2007 | رد

  35. بالتأكيد أحسدكم جميعا

    كبير المتشردين :

    شكرا على اللينك , بتعرف تعمل لينكات و كده , شكل الكمبيوتر بتاعك جديييييييييد

    ماشى يا عم بس انا مش غاوية شهرة ولا حاجه زى ما بتقول فى مدونات تانية بدليل ان ما حدش حايعرف صاحبة هذه المدونه و لو وقفتوا على شعر راسكوا فى المرايه

    أديك عرفت السكه , ما اشوفش وشك تانى

    تعليق بواسطة zarafahasooda | فبراير 7, 2007 | رد

  36. دمك خفيف

    تعليق بواسطة Hany George | فبراير 7, 2007 | رد

  37. بالتأكيد أحسدكم جميعا

    درش :

    انت أضعف و دمك أبرد من انك تعرف تحسد أساسا

    أصل انا عارفه ذوات الدم البارد كويس

    لما حد بيهينك بتسكت له مش كده ؟ و اصحابك بيقولوا عليك زى النسمة , صح؟ يبقى انت أكيد المصرى

    تعليق بواسطة zarafahasooda | فبراير 7, 2007 | رد

  38. بالتأكيد أحسدكم جميعا

    يارا :

    و يكفينى زيارتك

    اجرى يا بت العبى بعيد , روحى العبى فى الطين يلا , ووسخى هدومك يا حلوه

    تعليق بواسطة zarafahasooda | فبراير 7, 2007 | رد

  39. بالتأكيد أحسدكم جميعا

    عسل مرمر :

    ازاى عملت كده ؟ مش عارفه !

    بس يمكن انتى اتأثرتى بكم الكراهيه و الحقد و الغضب اللى جوايا
    و علشان كده قفلتى أغنية زياد رحبانى اللى أكيد هيه اختيار أفضل من انك تقرى تدوينه لواحده طويله و بغيضه زي حالاتى

    بس الأغنيه اللى عاملها للطيفه عن مصر معفنه و مبتذله بشكل

    يععععععععععععععع

    تعليق بواسطة zarafahasooda | فبراير 7, 2007 | رد

  40. بالتأكيد أحسدكم جميعا

    شهروزه :

    حاتحسدينى من اسكندريه لأسوان سيرا على الأقدام ؟

    بقى كده

    مممممممممممم

    ماشى يا شهروزه
    نورتى

    بس الكوميديا السودا اللى فى مدونتى موجوده بسبب ما أراه من عبث و جهل و غباء مجسد فى طبيعة بشرية يملكها شعب يدعى “يعععع ” مصر

    و لو الظابط لطشك على قفاك وقال لك بتشتغل ايه يلا , و لما اديته عشرين جنيه قال لك يا باشا , يبقى انت أكيد , أكيد , فى مصر

    تعليق بواسطة zarafahasooda | فبراير 7, 2007 | رد

  41. بالتأكيد أحسدكم جميعا

    مبرمج حر :

    الله يكون فى عون العالم منك يا الكترونى النزعه يا بتاع التقنيات الجديده يا خادم الرأسماليه الوفى

    هاو هاو هاو هاو هاو

    تعليق بواسطة zarafahasooda | فبراير 7, 2007 | رد

  42. بالتأكيد أحسدكم جميعا

    ياسمين حميد :

    روحى اتوكسى يا موكوسه

    ده انتى ما تعرفيش تحسدى واحده بتكرهيها ليلة فرحها على واحد بتحبيه

    تعليق بواسطة zarafahasooda | فبراير 7, 2007 | رد

  43. بالتأكيد أحسدكم جميعا

    أمير :

    و انت فكرتنى بطه حسين بس

    تعليق بواسطة zarafahasooda | فبراير 7, 2007 | رد

  44. بالتأكيد أحسدكم جميعا

    نواره نجم :

    يا أهلا بجبهة التهييس الشعبية و اللى منها

    لولولولولولولولولولوللللللللىىىىىى

    نورتى يا نوارة الانتصار

    تعليق بواسطة zarafahasooda | فبراير 7, 2007 | رد

  45. بالتأكيد أحسدكم جميعا

    محمد بن سالم :

    شكرا لقطعك كل تلك المسافه كى تزورنى , و انا مش سبام و سخام و الكلام ده

    أنا الزرافه الحسوده أكره و أحقد و أحسد بالتخصص

    تعليق بواسطة zarafahasooda | فبراير 7, 2007 | رد

  46. بالتأكيد أحسدكم جميعا

    كوكو الضعيف

    لقد توقفت مؤخرا عن الرضا و قد زالت عنى هذه النعمه أيضا فشكرا لكل من شارك فى ذلك

    ارضى انت بالمقسوم وسيبنى فى حالى

    يا ضعيف

    تعليق بواسطة zarafahasooda | فبراير 7, 2007 | رد

  47. بالتأكيد أكرهكم جميعا

    انا الآن أرد على كل من قال لى حرام و عيب و صدمنى بمقطورة الآيات و النصائح و النفايات

    اتمنى أن تقطع أطرافكم من خلاف , و تضيعوا فى مستشفيات حكوميه و مصريه بالتأكيد
    أتمنى أن تكتبوا بيد واحده , كما أفعل أنا الآن
    أتمنى أن يسرق حقكم ضابط شرطه فاسد كأخوته
    أتمنى أن تموتوا من الكمد و الحسره و الغيظ
    أتمنى أن تظلوا مخدوعون و مسالمون و سلبيون , حتى يطلع العفن تحت أبطكم , و يخرج الدود من أفواهكم
    أتمنى لكل واحد ظلما بعانيه للأبد
    و أتمنى لكل واحدة جورا و سفالة تأخذ نصيبها منها كل يوم

    و بالأخير , لا وفقكم الله لأى شئ , ولا سمعكم انسان , ولا اهتم لأمركم أحد

    أنا لا اتذكركم قبل أن أنام
    ولا تعنون شيئا لى , أو لغيرى من الحاقدين

    ملحوظه: تسرى تلك التعويذه من تاريخه , و تعمم على كافة المخافر و الشوارع و الحوارى و المجارير القذرة

    بالشفا يا حلوين

    تعليق بواسطة zarafahasooda | فبراير 7, 2007 | رد

  48. مش هقولك إن البوست جميل لان الناس قالت اللى فيه الكفايه
    بس عايز اقولك انى ما اقدرتش امسك نفسى لما قريت الكلام دا :
    أديك عرفت السكه , ما اشوفش وشك تانى
    هههههههههههههههههههههه
    فى ردك على احد التعليقات

    تعليق بواسطة mohmmed_eltaher | فبراير 8, 2007 | رد

  49. لما زرتينى فى مدونتى مافهمتش حاجه من ردك
    انا دلوقتى فهمت
    وياريتنى ما فهمت
    انا لا احسدك
    ولا احسد احدا
    لكنى بحق اشفق عليكى
    انتى لا تريدى شفقه احد …….اعرف ذلك
    ولن اضحك عليكى وعلى نفسى لاقول لكى الحياه حلوه اوى ماتسيبهاش
    ربما لاننى اعرف جيدا ان الحياه قاسيه كليله ممطره على يتيم وحيد يقف فى الشارع
    ولن اقول لكى ايضا انظرى الى من هم فى حال اسوا لانى اعرف تماما الان انكى فى اسوا حال
    من يملك هذه المشاعر لابد انه فى اسوا حال
    انتى تعيشين كارثه ….وتدركين ذلك
    حسنا يا عزيزتى
    اذاكنت ممن لا يرضون بالتعليقات الباسمه
    ويسعدك ان اقول انكى تعيشين كارثه
    فهنيئا لكى بهذه السعاده الزائفه

    تعليق بواسطة قلقانه | فبراير 8, 2007 | رد

  50. تحياتي….

    و الله انا اللي بيحسدك…بحسدك علي شكل المدونة الجميل…و التنسيق… بحسدك علي الموضوع…و علي الاسلوب…

    لكن… ليس كل الفقراء جبناء..و لا كل الاغتياء بخلاء…

    أيضا لازم نعرف ان الفقير الذي يقف في طابور حتي (يعفن ) علي حد قولك… هو مجبر علي ذلك لانه غالبا بيكون مسؤول عن اسرة…
    و لما يقبل يتبهدل و ينهان…بيكون من أجل اسرته التي قد يكون هو العائل الوحيد لها…
    و كفي المرء إثما أن يضيع من يعيل.

    المهم… تحياتي و حسدي الشديد… و بلاش أقولك مثل قاسم السماوي ( نسبة الي السم و ليس السماء)…كان كاريتير مشهور للاستاذ أحمد رجب و الفنان مصطفي حسين.. قاسم السماوي كلن دائما يقول : جتنا نيله في حظنا الهباب…

    تحياتي

    تعليق بواسطة الربان | فبراير 8, 2007 | رد

  51. مبروك المدونه وفي انتظار موضوعاتك

    تعليق بواسطة maksofa | فبراير 8, 2007 | رد

  52. كفاية حسد بقي
    و علقي خرزة زرقا

    تعليق بواسطة epitaph | فبراير 8, 2007 | رد

  53. وياترى بقى انتى من الاغنياء ولا الفقراء؟

    تعليق بواسطة Abo Ali Ali | فبراير 8, 2007 | رد

  54. اعلان هام
    فقد مريضة من مستشفى العباسية للأمراض العقلية
    على من يجده الاتصال فورا بالمستشفى أو أقرب قسم شرطة
    المريضة لحظة تركه المستشفى لم تكن تمثل خطرا على الأمن العام فقط بعض الهلاوس على انها زرافة
    على من يجدها الاتصال على
    ************

    تعليق بواسطة ِمستشفى العباسية للأمراض العقلية والنفسية | فبراير 8, 2007 | رد

  55. هناك وظيفة شاغرة يشترط لها الطول الفارع
    يعني طول زرافة
    واللسان الطويل جدا
    والقلب الأسود جدا الملئ بالحسد المتأجج مع ملاحظة أن هذه الوظيفة تتطلب اللقاء بالجمهور
    فإذا كنت يازرافتنا الحسودة مستعدة لعرض كهذا فقدمي البراهين ونحن مستنيين

    تعليق بواسطة المفكر الحر | فبراير 9, 2007 | رد

  56. انت فين يابنتي

    فين البوست اللي قلتي بتعمليه؟

    تعالي عندي لو مش لاقية حد تحسديه

    عندي ناس تتحسد ياما

    اولهم المجانين

    اصلهم في نعيم

    تعليق بواسطة نوارة نجم | فبراير 9, 2007 | رد

  57. وأخيراً……
    أستطيع أنا أن أحسدك الآن..

    تعليق بواسطة محمود | فبراير 9, 2007 | رد

  58. ياااااه
    نسيت متعة إطلاق العنان للكراهية
    أحقاً ملكت هذا السواد؟
    لكم أحسدك

    تعليق بواسطة Blacklander | فبراير 10, 2007 | رد

  59. الحرية للعريف الوطني محمد خلف

    تعليق بواسطة nawara | فبراير 25, 2007 | رد

  60. ايه هو مش هيبقي فيه بوست جديد؟
    يعني حسدتب الأغنياء والفقراء وقفلتي خلاص ولا ايه؟

    تعليق بواسطة esraa | مارس 1, 2007 | رد

  61. أيه هو ده
    داخلة شمال فى المجتمع التدوينى كله
    وحاحسد و هعمل و هاسوى , طب أحسدى
    يالا .. بقالك شهر كامل قاعدة تغنى
    ..ولا شوفنا لا حسد ولا نيلة
    أكتبى كده بوستات خلينى نعرفك اكتر و أكتر
    ..
    شوفى لو عايزة تتعلمى حسد صح .. أنا اللى
    هاقولك أيه الثمن اللى هتدفعيه لأنى دفعته قبلك يا فالحة

    تعليق بواسطة الديناصور الحسود | مارس 4, 2007 | رد

  62. انا داخله اعلق على اسم المدونه

    تحفه الاسم

    تعليق بواسطة خجل | مارس 9, 2007 | رد

  63. القصاص للأسرى المصريين

    تعليق بواسطة نوارة نجم | مارس 12, 2007 | رد

  64. جميلة المدونة وأكثر من جميلة إعلاناتك. هل من مزيد؟ :))

    تعليق بواسطة واحدة | مارس 13, 2007 | رد

  65. أحسدك على جمال مدونتك
    أحسدك على التعليقات الكثيرة
    أحسدك على قناعتك بتدوينة واحدة منذ بدأتِ المدونة
    أحسدك على رقبتك الطويلة
    يازرافة
    أحسدك على عينيك المدورتين الحاسدتين لكل الناس
    يا حسودة
    أحسدك على خفة دمك وأفكارك الظريفة
    تحياتي

    تعليق بواسطة ياسمين حميد | مارس 14, 2007 | رد

  66. جاكى خابط قال زرافه حاسوده قال
    على الطلاق م المصونة لو مسكت من رقبتك الطويله لزرعك زرع بصل فى الزريبه وهاتك يا لامؤاخذه يعنى ضرب على خلقتك لحد مايبانلك صاحب
    عارفه ليه
    لانك بتخبطى ف اكابر العزبة يابت
    فوقى بقى واعرفى انت بتدهسى ف زرعة مين
    جاك خابط

    تعليق بواسطة أبو جمال | أبريل 8, 2007 | رد

  67. هل ماكينة الحسد معطلة ؟ فينك ؟ الناس اللي حرقت نفسك قر عليهم قاربوا علي الشفاء من إشعاع حسدك الرباعي !! يجب مداومة جرعة الأشعاع للحصول علي أثر دائم .. تحياتي

    تعليق بواسطة GlimmerMan | أبريل 19, 2007 | رد

  68. الحسد منهى عنه شرعا..
    و الحسود فى النار..
    بس اشمعنى زرافة يعنى؟؟؟

    تعليق بواسطة جيداء | أبريل 26, 2007 | رد

  69. الحاج بيدعوكم جميعا على فرح جمال بيه
    الدعوة عامة
    والحاضر يبلغ الغايب

    تعليق بواسطة أبو جمال | أبريل 26, 2007 | رد

  70. يا ترى انتي فين يا زرافة

    تعليق بواسطة Mahmoud | أغسطس 3, 2007 | رد

  71. يا ترى انتي فين يا زرافة!

    تعليق بواسطة Mahmoud | أغسطس 3, 2007 | رد

  72. يارب تستفادوا من مدونتى دى هاتفيدكم جدا

    http://noureldens.maktoobblog.com/

    تعليق بواسطة nour | سبتمبر 21, 2008 | رد

  73. ana hiya wahd lbant bssah maradich n9ol 3la ssmya diali hit ana mn hadouk li kayhdar 3lihom nass

    تعليق بواسطة sarae | أكتوبر 14, 2008 | رد

  74. ana hiya sarae kantmna t9raw hadchi ou tfhmou lma3na dialou chokan bye

    تعليق بواسطة sarae | أكتوبر 14, 2008 | رد


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: